Alulong #2

TAMA O MALI.
PANUTO: Lagyan ng TAMA kung ang Pangungusap ay nagsasaad ng MALING DIWA at Lagyan ng MALI kung ang Pangungusap ay nagsasaad ng TAMANG DIWA. (Goodluck!)

1)______ Maglakad sa kalye at sikmuraan ang unang taong makakasalubong, sabay hingi ng SORRY.
2)______ Mangulangot sa harapan ng magulang ng Nobya O Nobyo, pagkatapos ipahid ang kulangot sa braso ng Tatay niya.
3)______ Magpakamatay sa pamamagitan ng paglaslas ng Pulso gamit ang Kinakalawang na Yero.
4)______ Hamunin ng suntukan ang pinaka-matapang na kapit-bahay, kapag pumayag...sabay bira ng Takbo.
5)______ Kung Tinatalakan Ka at Na-EEPALAN ka sa Boss mo...Itaas mo ang iyong braso at IPAAMOY ANG IYONG KILI-KILI.
6)______ Sa Hating-Gabi, iwanang nakabukas ang lahat ng pinto at bintana sa bahay at tsaka matulog.
7)______ Himatayin kunwari sa daan, at siguraduhing may tao.
8)______ Health is Wealth...uminom ng 5 galong tubig kada-isang oras.
9)______ Sa JEEP, siguraduhing makakaupo ka sa harapan sa tabi ng Driver, kapag nakakita ng nagbibisikleta sa daan, agawin ang manibela sa Driver at ibunggo sa nagbibisikleta ang JEEP sabay baba.
10)_____ Sungkitin ang Panty ng kapit-bahay sa sampayan at gawing pang-regalo sa ka-opisina.
11)_____ Sa JEEP, kunin ang Kamay ng makakatabing Lalaki at Ipatong sa HITA ng ibang pasaherong Babae. Sabay Tawa...
12)_____ Kapag nakakita ng dumi ng ASO sa kalye, damputin ito at ilagay sa sariling ULO.
13)_____ Panatilihing malinis ang bahay, mag-alaga ng IPIS.
14)_____ Kapag walang tao sa bahay, mag-imbita ng mga Ka-klase, kapag lahat ay nasa loob na...lumabas ka at ikandado ang pinto ng Bahay sabay layas.
15)_____ Sa "Call Center"...Habang nakikipagusap ang kasamahan sa "Customer" sa telepono... Patayin ang Computer ng kasamahan at magtago.

TAPOS O HINDI TAPOS IPASA ANG SAGOT.

Alulong #1

 PANUTO:  Piliin sa mga sumusunod ang Maling sagot, lagyan ng "X" Ekis ang patlang.

___ Natulog ka ng mahaba...pagkagising mo SHOTGUN WEDDING pala.
___Nangupahan ka sa isang bahay sa may Tondo Maynila para mangarap, huli na nang malaman mong wala pa lang tubig.
___Lumipat ka sa Bulubundukin, nabingi ka sa katahimikan. 
___Pinilit mong magbihis ng mabilis, hindi ka naman pala kasama.
___Nagmamadali kang umuwi, paalis naman pala ang uuwian mo.
___Hindi mo ko kaya I-Handle... 
___Tinawagan mo, mali naman pala ang numero ng telepono.
___Kung nasaktan kita...sorry na! 
___Tanggapin mo na HINDI TAYO PARA SA ISA'T- ISA...
___Huwag kang mangdamay ng INOSENTE...
___'Di ka pa nadudurog, kailangan mo pang madurog ng maigi.
        (Paminta?)
___Nagtanong na ako sa kamag-anak kong ABUGAGO, nakasuporta ang buong pamilya ko sakin.
___MINAHAL DIN KITA!!!
___Alam mo ba kung anong ginawa mo?
___Kailangan mo ng isang malupit na NOBYA!
___Napaka- Bobo naman ng hirit niyan...
___Napaka- Tanga namang banat niyan...
___Nananahimik na siya... HUWAG KA NANG MANGGULO!
      (Patay na ba siya?)

Tapos O Hindi Tapos Ipasa ang Sagot.

FACEBOOK

Dumarami ang "Social Networking Sites"...Anak ng tipaklong, pang isang daan at tatlumpu't pitong tanong na ata ito sa araw na ito..."may facebook ka ba?" Minsan sinasagot ko wala, minsan sasabihin ko meron pero di ko pwede ibigay, minsan naman sasabihin ko...ano yun? nakakain ba yun?...'yeta, yan na ba talaga ang uso ngayon? at kapag wala kang facebook account ay nangangahulugang Abnormal ang buhay mo at dapat ka ng magpatiwakal at magbikti sa puno ng Parichipakpak.

Kanina lang may kausap akong isang taong banyaga...akalain mo daig pa ang nanalo sa "Kakasa ka ba sa grade five?" Nagtanong si kano: Do you have a facebook account? bwahahaha...sa isip ko gusto ko rin siyang tanungin "Tuli ka na ba?" Walastik talaga itong mga nagimbento ng mga kagimbal gimbal na "Website" na ito na kinaaadikan ng lahat...ang pagkakaalam ko eh pinagaawayan pa kung sino talaga kanila Aaron Greenspan o Mark Zuckerberg ang totoong nakatuklas at gumawa ng Facebook. Dati ang alam ko lang ay "Friendster", "MySpace" o "Multiply"....pero ngayon kakaiba humatak ng deboto itong Facebook pati si "Lola Techie" napa BOOGIE sa dami ng friends niya sa Facebook.

Halos lahat talaga ng tao ngayon ay nahuhumaling na sa "World Wide Web" may mga iba na hindi na halos maka-kain at nakakalimutan ng matulog para lang mag-update ng kung ano anong klase sa kanilang mga account...madalas mag-update ng Facebook. Haaay...noong panahon nila Lola at Lolo kailangan mong sumipot sa sayawan sa Bayan upang magkaroon ng kakilala...yun tipong magiging Nobyo o Nobya mo sa kabilugan ng buwan. Ngunit ngayon isang upuan mo lang sa Computer shop at basta may dala kang bente pesos (P20) ay sakto na...may makikilala ka na, makakapili ka pa kung anong lahi ang gusto mong makatuluyan.

Minsan iniisip ko kung ano na ang mangyayari sa mundo kung lahat ay gagawin na lang sa pamamagitan ng "Social Networking Sites" Siguro kapag nangyari yun..hindi na tayo mangangailangan pang mangamba sa paglaganap ng sakit na nakakahawa...o kaya naman "unwanted pregnancy" basta kung lahat ay gagawin na lang "OnLine"...Mas makakatipid nga tayo at mas ligtas. Sa totoo lang napilitan lang akong gumawa ng Facebook dahil sa mga kamag-anak ko at hindi rin ako marunong mag-Facebook...E ANO NGAYON? Minsan sinubukan kong maglaro sa Facebook, nagsimula ako ng mga alas otso ng umaga (8AM) at nagulat na lang ako at natapos ako ng alas-siete (7PM) ng gabi, langya daig ko pa ang tumambay sa kanto at nakipagtagayan sa mga sunog-baga... ayoko ng ganun, dahil kung laro rin lang ang paguusapan... ibang klasing laro ang nasa utak ko. hahaha.

Pero sa totoo lang ang tanging silbi sakin ng Facebook ay ang maging "SEARCH ENGINE". Oo siya ang ginagamit ko para hanapin ang lahat ng taong gusto kong makita...mga taong may mga atraso sa akin...mga taong may malaking pagkaka-utang sa akin...yun dati  kong kaklase na dumura sa ulo ng katabi ko... yun dati kong manliligaw na ngayon ay milyonaryo na...yun dati kong kaibigan na nagnakaw ng polboron ko sa "Frigider"... yun dati kong kaibigan na nagsabi sa akin "nickie balang araw magiging "L" ka rin...yun dati kong kaibigan na sumakabilang buhay na...yun dati kong kaibigan na sumakabilang bahay na...mga taong naghahanap sakin at inaalam kung nag-asawa na ko...mga taong di makatulog kakaisip sa akin...hahaha at mga taong nasira ang buhay dahil sa akin...ect. Sana sa susunod iba naman ang makasalamuha kong tanong...